Կարինե Բազեյան

Կարինե Ռազմիկի Բազեյանը ծնվել է 1960 թ. Երևան քաղաքում: 1967-1977 թթ. սովորել ու ավարտել է Երևանի Հովհ. Թումանյանի անվ. թիվ 32 դպրոցը: 1977 թ. ընդունվել է Երևանի պետական համալսարանի պատմության ֆակուլտետ, որն ավարտել է 1982 թ.-ին: 1982-1986-ին աշխատանքի է անցել Հայաստանի ազգագրության պետական թանգարանում որպես ավագ գիտաշխատող, 1986-1989-ին սովորել է Գիտությունների ազգային ակադեմիայի հնագիտության և ազգագրության ինստիտուտի ասպիրանտուրայում՝ «Ազգագրություն» մասնագիտությունով, 1989-1996-ին աշխատել է Հնագիտության և ազգագրության ինստիտուտում որպես կրտսեր գիտաշխատող, 1997-ից մինչ օրս Գիտությունների ազգային ակադեմիայի Շիրակի հայագիտական հետազոտությունների կենտրոնի ավագ գիտաշխատող է: 1998-2011-թթ.-ին, համատեղությամբ աշխատել է Գյումրու պետական մանկավարժական ինստիտուտի պատմության ամբիոնի դասախոս, 2011-2014-ին` Հ. Շարամբեյանի անվան ժողովրդական ստեղծագործության կենտրոնի տնօրենի` գիտական գծով տեղակալ, իսկ 2023 թ-ից՝ գիտահետազոտական բաժնի վարիչ: 2014-2021 թթ. աշխատել է ՀՀ մշակույթի նախարարության «Պատմամշակութային արգելոց թանգարանների և պատմական միջավայրի պահպանության ծառայություն» ՊՈԱԿ-ի գիտահետազոտական բաժնի վարիչ: 2011-2013 և 2020 – 2024 թթ. համատեղությամբ դասավանդել է Խ. Աբովյանի անվ. Հայկական պետական մանկավարժական համալսարանի Կուլտուրայի ֆակուլտետի «Թանգարանագիտության և մատենագիտության» ամբիոնում: 2002 թ. պաշտպանել է գիտական թեզ՝ «Հայոց ասեղնագործական մշակույթը (պատմազգագրական ուսումնասիրություն)» թեմայով և ստացել պատմական գիտությունների թեկնածուի կոչում: 2012 թ-ից մինչ օրս ՀՀ ԿԳՄՍ նախարարին կից «Ոչ նյութական մշակութային ժառանգության փորձագիտական խորհրդի» անդամ է: Գիտական հետազոտությունների շրջանակն ընդգրկում է Շիրակի ազգագրությունը, Ալեքսանդրապոլ- Լենինականի քաղաքային մշակույթը, հայկական ժողովրդական արվեստն ու կանանց արհեստները: Հեղինակ է 3 մենագրության, 1 դասագրքի և 100-ից ավել գիտական հոդվածների, մասնակցել է բազմաթիվ միջազգային և հանրապետական գիտաժողովների: