Art-Discovery.com կայքը հարթակ է, որը հնարավորություն է ստեղծում արվեստասեր հանրությանը՝ արվեստի վերաբերյալ գիտելիքներ ձեռք բերելու համար: Բացի այդ, նույն հետաքրքրություններն ունեցող մեր բաժանորդները ունեն միմյանց միջև անհատական շփման, ինչպես նաև՝ մշակույթի ոլորտի տարբեր մասնագետների հետ կապ հաստատելու հնարավորություն, ինչը հնարավորություն է տալիս լրացնելու հնագույն ժամանակներից մինչև մեր օրերի մշակույթին և արվեստին առնչվող գիտելիքները:
Ստեղծել մշակույթի և արվեստի վերաբերյալ նյութով հագեցած համակարգ, արվեստով և մշակույթով հետաքրքրվող հանրությանը հնարավորություն տալով լրացնելու տվյալ նյութի առնչությամբ ունեցած գիտելիքները, ինչպես նաև ստեղծելու մեկ դաշտ՝ արվեստասեր մարդկանց շփման, ինֆորմացիայի փոխանակման, փոխադարձ կապի հաստատման և համատեղ ստեղծագործության համար: Մեր օգտատերերը կարող են օգտվել ոլորտի տարբեր մասնագետների գիտելիքներից առցանց, art-discovery.com կայքի կողմից տրամադրվող տեսաձայնագրությունների կամ աուդիոձայնագրությունների միջոցով և ունենալ տվյալ մասնագետի հետ նամակագրական կապ պահելու հնարավորություն։
Կայքի բաժանորդները կայքի ադմինիստրացիայի կողմից կդասակարգվեն երեք խմբերի:
Օգտատեր՝ որը կարող է օգտվել կայքի կողմից տրամադրվող բոլոր ծառայություններից, բացառությամբ գլխավոր էջին հեղինակային հոդվածի, տեսա և աուդիոձայնագրությունների տեղադրումից։
Օգտատեր 2՝ որը, կարող է օգտվել կայքի կողմից տրամադրվող բոլոր ծառայություններից, բացառությամբ գլխավոր էջին տեսա և աուդիոձայնագրությունների տեղադրումից։
Օգտատեր 3՝ որը կարող է օգտվել կայքի կողմից տրամադրվող բոլոր ծառայություններից բացառությամբ՝ ադմինիստրատիվ խմբին հասանելի որոշ գործիքներից։
Կայքի բաժանորդները, անկախ արտոնություններից և դասակարգումից, պարտավոր են.
Օգտագործել այն անունը որը նշված է անձը հաստատող փաստաթղթում։
Հայտնել ճիշտ տեղեկատվություն իրենց մասին։
Որպես օգտատեր ստեղծել միայն մեկ էջ , որտեղ տեսանելի կլինի իրական օգտատերը, և օգտագործել այն միայն անձնական նպատակով։
Գաղտնի պահել ծածկանունը, չտրամադրել «Art-Discovery.com» կայքից օգտվելու հնարավորությունը այլ անձանց։
Art-Discovery.com կայքի ծառայություններից օգտվելիս հորդորում ենք.
Հետևել հեղինակային իրավունքի վերաբերյալ օրենքով սահմանված դրույթներին:
Պահպանել փոխադարձ հարգանք:
Պահպանել համակեցության կանոնները:
Կայքից օգտվելու հնարավորություն ունենալու համար անհրաժեշտ է բաժանորդագրվել որպես օգտատեր։ Դուք չեք կարող օգտվել այլ օգտատիրոջ կողմից ստեղծված էջից առանց նրա թույլտվության։ Գրանցվելուց պարտադիր է տրամադրել ճշգրիտ և ամբողջական տեղեկատվություն։ Օգտատերը կրում է պատասխանատվություն իր էջից կատարված ցանկացած հակաօրինական գործողության համար։
Վիդեո կամ աուդիոդասընթացների դիմաց վճարը ենթադրում է, տվյալ նյութի տրամադրումը ունկնդրին «Art-discovery.com» կայքի կողմից միայն 108-օրյա դիտման իրավունքով։ Դասընթացը չի կարող կրկնօրինակվել ձեր կողմից, վերավաճառվել, և որևէ կերպ ցուցադրվել այլ հարթակներում։ Վիդեո կամ աուդիոդասընթացները պաշպանված են հեղինակային իրավունքով՝ դրանք հանդիսանում են որպես «Art-discovery.com» կայքի սեփականություն։