Պատմական գիտությունների թեկնածու, ազգագրագետ Կարինե Բազեյանի «Հայկական ասեղնագործություն և ժանյակ» դասընթացը ամբողջական տեղեկություն է հաղորդում հայկական ասեղնագործության և ժանեկագործության հետազոտության պատմության, զարգացման ընթացքի,կենտրոնների (Վան-Վասպուրականի, Բարձր Հայքի,Կիլիկիայի, Այնթափի, Մարաշի, Ուռհայի, Փոքր Հայքի, Արցախի, Կոնստանդնուպոլսի, Նոր Ջուղայի դպրոցներ) մասին: Առանձին ուշադրություն է հատկացվում հայ ժողովրդական մշակույթում ասեղնագործության և ժանեկագործության ուսուցման կարևորությանը և գործունեությանը վերաբերվող հարցերին, տիպաբանությանը՝ ըստ տեխնոլոգիական բնութագրի, հայ եկեղեցական ասեղնագործությանը, ինչպես նաև՝ ասեղնագործության և ժանեկագործության զարդարվեստին վերաբերվող հարցերին: