ՄԻՔԱՅԵԼ ԲԱԴԱԼՅԱՆ ԻՆՔՆԱԿԵՆՍԱԳՐՈՒԹՅՈՒՆ Ես՝ Միքայել Սուրենի Բադալյանս, ծնվել եմ 1986 թվականի հունվարի 8-ին քաղաք Երևանում: 2003 թվականին Երևանի N 147 միջնակարգ դպրոցն ավարտելուց հետո ընդունվել եմ Երևանի Խ. Աբովյանի անվան Հայկական պետական մանկավարժական համալսարանի Պատմություն (իրավունքի հիմունքներ) բաժինը, որը 2008 թվականին ավարտել եմ գերազանց առաջադիմությամբ: 2006 թվականի ապրիլին մասնակցել եմ Արցախի պետական համալսարանում կազմակերպված «Հայոց պատմություն» առարկայից միջբուհական օլիմպիադային և ստացել առաջին կարգի դիպլոմ: 2010-2015 թվականներին եղել եմ ՀՀ ԳԱԱ Հնագիտության և ազգագրության ինստիտուտի «Վաղ հնագիտության» բաժնի հայցորդ: 2015 թվականի նոյեմբերի 24-ին նույն ինստիտուտում Է. 00.03 (հնագիտություն) մասնագիտությամբ պաշտպանել եմ թեկնածուական ատենախոսություն՝ «ՈՒրարտուի դիցարանի գերագույն եռյակը (պաշտամունք, խորհրդանշաններ, պատկերագրություն)՝ ըստ հնագիտական սկզբնաղբյուրների» թեմայով և ստացել պատմական գիտությունների թեկնածուի գիտական աստիճան: 2009 թվականի փետրվարի 1-ից մինչև 2024 թվականի մա...