Ալեքսանդր Թամանյանի անվան Ճարտարապետության ազգային թանգարան-ինստիտուտի հիմնադիր և առաջին տնօրեն (24.01.1990-10.02.2016 թթ.) Աշոտ Գրիգորյանը (Աշոտ Հայկազուն) ծնվել է 1948 թվականին Արմավիրում: 1967 թվականին ոսկե մեդալով ավարտել է Արմավիրի թիվ 2-րդ միջնակարգ դպրոցը, 1973թ.-ին՝ Երևանի Կարլ Մարքսի անվան պոլիտեխնիկական ինստիտուտի ճարտարապետության ֆակուլտետը: 1985-ին նա Մոսկվայի ճարտարապետության ինստիտուտի բարձրագույն վերապատրաստման հատուկ ֆակուլտետում ստացել է «ճարտարապետություն և քաղաքաշինություն» մասնագիտացում, իսկ 1988թ-ին նույն ինստիտուտում պաշտպանել է «Բնակելի միջավայրի տիպաբանությունը» թեմայով ատենախոսությունը և ստացել ճարտարապետության թեկնածուի գիտական աստիճան: 1985 թվականից աշխատանքին զուգահեռ դասախոսում է Երևանի Ճարտարապետության և շինարարության պետական համալսարանում (ԵրՃՇՊՀ): Աշոտ Գրիգորյանը սեփական նախաձեռնությամբ և իր իսկ մշակած նախագիծ-առաջարկով դիմում է պետական իրավասու ատյաններին և 1990 թվականին հիմնում է Հայաստանի ճարտարապետության ազգային թանգարան-ինստիտուտը, որը ղեկավարո...